Joan den abenduaren 20an, ile-apainketako ikasleek Wella merkataritza-etxeko teknikari batek aurkeztutako tailer batean parte hartu zuten. Wella markak 150 urte baino gehiago daramatza jardunean, eta marka onenetako bat izendatu dute bere produktuen kalitateagatik eta edozein ile motatarako moldagarritasunagatik.
Goizean zehar hainbat motatako kolore-produktuak eta tratamenduak aurkeztu zitzaizkien, horien artean: koloregabetzea, koloratze iraunkorra eta erdi-iraunkorra, eta egungo kolorea aplikatzeko teknikak.
Bestalde, ikasleek hiru pausuko kontsulta bideratzen ikasi zuten: identitatea, helmuga eta zerbitzua. Identitatea landuko den ilea ezagutzean datza, helmuga bezeroaren beharrak zeintzuk diren jakitea eta, azkenik, zerbitzua erabiliko den teknikari dagokio.
Tailerraren bigarren zatian, hiru ikasle bolondres aurkeztu ziren kolorazio-tratamenduak egiteko, aldaketa sotiletatik eraldaketa handietaraino. Horretarako, beste sei ikasle aurkeztu ziren beren ikaskideei tratamenduak egiteko.
Ikasleek asko gozatu zuten tailerrean, eta emaitza on baten atzean dagoen lan guztia eta esku hartzen duten pertsonen kopurua ulertu zuten. Gainera, irudiaren mundura hurbildu ahal izan ziren eta ulertu zuten argazki on bat lortzeko ordu askotako dedikazioa eta ahalegina behar izan zirela ulertu zuten.
Ileapaindegiko ikasleak Gabonetako oporretara joaten dira motibazio gehixeagorekin. Nork daki etorkizun hurbilean horiek guztiak engranaje honen parte diren?